Бокстан Қазақстанның еңбек сіңірген жаттықтырушысы қайтыс болды

Маңғыстау облысында бокстан Қазақстанның еңбек сіңірген жаттықтырушысы Ренальдо Мелкумов қайтыс болды.

Маңғыстаудағы бокстың негізін қалаушылардың бірі 23 желтоқсанда қайтыс болды.

— Ренальдо Мелкумов Маңғыстау бокс мектебінің бірінші директоры, Кеңес Одағының жоғары ұлттық санатының судьясы болды. Бұл орны толмас шығын. Маңғыстау облысының бокс федерациясы Реналдо Ашотовичтің туған–туыстары мен жақындарына шын жүректен көңіл айтады, — деп атап өтті федерацияда.