Қазақстанда жаңа үкімет басшысы тағайындалды

Бүгін президент Қасым-Жомарт Тоқаев мәжіліс отырысында премьер-министрдің міндетін атқарушы Алихан Смайыловты премьер-министр лауазымына ұсынды.

Мәжіліс депутаттары әр партия фракциялары президент ұсынған Әлихан Смайыловты премьер-министр ретінде тағайындау туралы шешімді қолдап, мақұлдады.

Әлихан Смайылов 1972 жылы 18 желтоқсанда дүниеге келген. 1996 жылы – Қазақстан Республикасы Президентінің жанындағы Қазақстан менеджмент, Экономика және болжау институты мемлекеттік басқару магистрі дәрежесін алды.