Тоқаев бұрынғы энергетика министрін кеңесшісі етіп тағайындады

Мағзұм Мырзағалиев Қазақстан Республикасы Президентінің кеңесшісі лауазымына тағайындалды. Тағайындау туралы ақпарат Ақорданың ресми сайтында жарияланды.

– Мемлекет басшысының өкімімен Мағзұм Маратұлы Мырзағалиев Қазақстан Республикасы Президентінің кеңесшісі лауазымына тағайындалды, – делінген жарлықта.

Сондай-ақ, бүгін президент жарлығымен Сенат депутаты Сәуле Мұханбедианқызы Айтпаеваның өкілеттігі тоқтатылды.

– Мемлекет басшысының Жарлығымен Қазақстан Республикасы Парламенті Сенатының депутаты Сәуле Мұханбедианқызы Айтпаеваның өкілеттігі тоқтатылды, – делінген хабарламада.