Қасым-Жомарт Тоқаев Татарстанға барды

Қазақстан президенті Татарстан астанасына барды. Бұл туралы Тоқаевтың баспасөз хатшысы Берік Уәли хабарлады.

Татарстан астанасының халықаралық әуежайында Президент Қасым-Жомарт Тоқаевты республика басшысы Рустам Минниханов қарсы алған.

— Жұмыс сапары барысында Қасым-Жомарт Тоқаев Қазан Кремлінің көрікті жерлерін аралап көреді және Татарстан президентімен кездесу өткізеді. Сонымен қатар республиканың өзге қалаларында орналасқан «КамАЗ» және «Танеко» сияқты ірі кәсіпорындарының жұмысымен танысады, — деді Берік Уәли.

Айта кетейік, бұған дейін Қасым-Жомарт Тоқаев Мәскеуге жұмыс сапарымен барып, Ресей президенті Владимир Путинмен келіссөз жүргізген.

• 96
• 113