Байден тағы да Ресейдің Украинаға шабуыл жасайтынын мәлімдеді

АҚШ президенті Украинадағы жағдайға байланысты үндеу жасады. Джо Байден Ресейдің Украинаға шабуыл жасауға дайын екенін тағы да айтып және Америка өз сарбаздарын қорғауға жібермейтінін еске салды.

Байден өз сөзінде Вашингтонның Ресей жақын күндері Украинаға шабуыл жасайтын ақпараты бар екенін атап өтті.

— Бізде Ресей күштері алдағы аптада Украинаға шабуыл жасауды жоспарлап отыр деп болжауға негіз бар. Олар 2,8 миллион адам тұратын Киевке шабуыл жасауды жоспарлап отыр деп ойлаймыз, — деді ол.

АҚШ президенті әскерлерін Украинаны қорғауға жібергісі келмейтінін тағы бір рет растады, бірақ егер Ресей соғыс бастаса, НАТО Одақ аумағын қорғайтынын атап өтті.

— Соңғы аптада біз Донбаста Украинаны арандатуға тырысқан ресейлік сепаратистердің атысты тоқтату туралы мәлімдемелерін көрдік, — деді Ақ үй басшысы.