Бас прокуратура Бектановтың ұсталуына қатысты мәлімдеме жасады

Бұрынғы Қорғаныс министрі Мұрат Бектанов уақытша ұстау изоляторына орналастырылды. Бұл ақпаратты Бас прокуратураның баспасөз қызметі растады.

— 19 ақпанда Бас прокуратура бұрынғы Қорғаныс министрі Мұрат Кәрібайұлы Бектановқа қатысты қылмыстық кодекстің 452-бабы бойынша қызмет бойынша әрекетсіздік фактісі бойынша сотқа дейінгі тергеуді бастады. 20 ақпанда Бектанов ұсталып, осы қылмысты жасады деген күдікпен уақытша ұстау изоляторына қамалды, — делінген хабарламада.

Өзге ақпарат тергеу мүддесінде жария етуге жатпайды.

Еске салайық, 19 қаңтарда Президент Жарлығымен Мұрат Бектанов Қорғаныс министрі қызметінен босатылды. Жаңа министр болып Ішкі істер министрінің орынбасары — Ұлттық ұланның Бас қолбасшысы қызметін атқарған Руслан Жақсылықов тағайындалды.

Кейінірек президент Қасым-Жомарт Тоқаев Мұрат Бектанов Қазақстандағы тәртіпсіздіктер кезеңінде командирлік қасиеттерін көрсетпегенін айтты.

• 93
• 105