Түркіменстандағы президент сайлауында Сердар Бердімұхамедов жеңіске жетті

Түркіменстанның бұрынғы басшысы Гурбангулы Бердімұхамедовтың ұлы Сердар президент сайлауында 72,97 пайыз дауыс жинап, жеңіске жетті.

— Түркіменстан Сайлау кодексінің 76-бабына сәйкес және Орталық сайлау комиссиясының 2022 жылғы 14 наурыздағы шешімі негізінде 72,97 пайыз дауыс алған Түркіменстан Министрлер кабинеті төрағасының орынбасары Сердар Гурбангулыевич Бердімұхамедов Түркіменстанның президенті болып танылды, — делінген орталық сайлау комиссиясының мәлімдемесінде.

Сердар Бердімұхамедов 1981 жылы дүниеге келген. Ниязов атындағы Түркіменстан ауылшаруашылық университетін инженер-технолог мамандығы бойынша бітірген. 2008-2011 жылдары Ресей Сыртқы істер министрлігінің Дипломатиялық академиясында білім алып, халықаралық қатынастар маманы болды.

Еске салайық, ақпан айында парламенттің жоғарғы палатасы – Халық кеңесінің кезектен тыс отырысында Түркіменстанның бұрынғы президенті Гурбангулы Бердімұхамедов мемлекетті басқаруда жас көшбасшыларға жол беру қажеттігін мәлімдеген болатын.

• 122
• 107