КХДР Оңтүстік Кореяға ядролық соғыс туралы ескертті

Оңтүстік Корея «әскери қақтығысқа барса», Пхеньян ядролық қару қолданады. Бұл туралы Солтүстік Корея Орталық телеграф агенттігі хабарлайды.

КХДР басшысы Ким Чен Ынның әпкесі, Кореяның Еңбек партиясы Орталық комитетінің бөлім басшысының орынбасары Ким Е Чжон Оңтүстік Корея әскери қақтығысқа барса, жағдай қиындайтынын ескертті.

— Егер Оңтүстік Корея әскери қақтығысқа барса, біздің әскери ядролық Күштеріміз сөзсіз өз міндеттерін орындауға мәжбүр болады, — дейді Ким Е Чжон.

Ол сондай-ақ Оңтүстік Кореяның Қорғаныс министрі КХДР-ға қарсы ескерту жасауы өте үлкен қателік болғанын атап өтті.

Бұған дейін Ким Е Чжон Оңтүстік Кореяның Қорғаныс министрі Сукты КХДР-ға алдын-ала соққы беру мүмкіндігі туралы айтқан сөздері үшін «қоқыс» деп атаған және Сеул үшін мұндай сөздердің қайғылы салдары туралы ескерткен.

Фото ашық деректерден

• 98
• 92