Дүйсенова Еңбек және халықты әлеуметтік қорғау министрі қызметіне қайта оралды

Тамара Дүйсенова Еңбек және халықты әлеуметтік қорғау министрі болып тағайындалды. Бұл туралы Ақорданың ресми сайты мәлімдеді.

— Тамара Босымбекқызы Дүйсенова Қазақстан Республикасының Еңбек және халықты әлеуметтік қорғау министрі болып тағайындалсын, ол Қазақстан Республикасы Президентінің көмекшісі – Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі лауазымынан босатылсын, — делінген жарлықта.

Тамара Дүйсенова 1965 жылы 11 қаңтарда дүниеге келген. Ташкент халық шаруашылығы институтын бітірген. Экономика ғылымдарының кандидаты.

Мансабында Шымкент қаласы әкімінің бірінші орынбасары, Оңтүстік Қазақстан облысы әкімінің орынбасары, вице-министр, Еңбек және халықты әлеуметтік қорғау министрлігінің жауапты хатшысы, Денсаулық сақтау және әлеуметтік даму министрі (2014-2017 жылдар), еңбек және халықты әлеуметтік қорғау министрі (2017-2018 жылдар) қызметтерін атқарған.

Фото ашық деректерден

• 88
• 89