Шымкентте белгісіз вирус таралып жатыр

Шымкентте жергілікті тұрғындар белгісіз вирусқа қатысты шағымдарын айтқан.

Otyrar.kz мәліметінше, теріс ПТР сынағы бар науқастар жөтеліп, ентіккен және буындары ауырған.

Шынар Оразова соңғы айда екінші рет ауырып жатыр. Әйел суық су ішпегенін, суық тиюі мүмкін жерде отырмағанын айтады.

— Алдымен мұрным, кейін тамағым ауырды. Ақылы медициналық орталыққа бардым, олар маған бәрі таза, сізде ЖРВИ бар деді. Дәрі-дәрмектер жазып берді, қазір емделіп жатырмын, — дейді Шымкент тұрғыны.

Жүздеген адам осындай белгілерге қатысты шағымдарын айтқан. Мамандар қалада вирус таралып жатыр дейді. Тек ақпан және наурыз айларында шымкенттік дәрігерлер ЖРВИ-дің 7 962 жағдайын анықтады. Бұл өткен жылдың сәйкес айларымен салыстырғанда екі есе көп.

— ЖРВИ-мен ауыратындардың 72,5 пайызы — 14 жасқа дейінгі балалар. 2021 жылдың күзінен бастап осы жылдың көктеміне дейін тұмаудың 16 жағдайы тіркелді, олардың алтауы балалар, — деді Жанар Жақсылықова.

Шымкенттіктер емделуге ұзақ уақыт кететінін айтады. Дәрігерлер бұл ковидтің әсерінен туындауы мүмкін екенін айтты.

Фото ашық деректерден

• 110
• 86