Қырғызстан президентінің баспасөз хатшысы Эрбол Сұлтанбаев Жогорку Кенештің Қазақстанға қатысты мәлімдемесіне түсініктеме берді.

Сұлтанбаев депутаттардан көрші елдерге және халықаралық қатынастар мәселелеріне қатысты сын айтқан кезде абай болуды сұрады, хабарлайды Exclusive.kz.

— Депутат саяси тұлға болып табылады. Сіз айтқан әрбір сөз халықаралық аренада ескеріледі, реакция болады. Құдайға шүкір, бүгінде біз барлық елдермен, соның ішінде көршілерімізбен де жақсы қарым-қатынастамыз. Біз барлық мәселелерді өзара мүдделерді ескере отырып, келіссөздер арқылы шешеміз, — деді ол.

25 сәуірде Қырғызстан Мемлекеттік кеден қызметінің басшысы Самат Исабеков Қазақстан шекарада жүк тасымалдаушыларды жібермей, экономикалық блокада қойып отырғанын айтқан еді.

— Қазақстан экономикалық блокаданы қойып отырғандықтан, біз де су блокадасын қоюымыз керек. Уақыт келгенде біз Қазақстанға су ағынын тоқтата тұруымыз керек, — деді Жогорку Кенештің депутаты Алтынбеков.

Фото ашық деректерден

• 109
• 113