Газбен жүретін көліктерге арнайы белгі жапсыру талап етіледі

2024 жылдан бастап газбен жүретін көліктер арнайы белгі жапсыруға міндеттеледі, деп хабарлайды Exclusive.kz тілшісі.

Техникалық реттеу және метрология комитетінің дерегі бойынша, мұндай белгі жабық тұрақтарға кіргенде де көрініп тұратындай көрнекі жерге орнатылуы керек.

– Газ қондырғысы бар көліктерден арнайы белгі орнату талап етіледі. Өзгерістер 2024 жылдың 1 қаңтарынан бастап күшіне енеді, – деп жазылған министрліктің де хабарламасында.

Айта кетейік, арнайы белгісі жоқ жүргізушілерге айыппұл салынатыны немесе салынбайтыны әзірге белгісіз.

Фото: Колеса