Генерал-майор Күдебаевтың соты кейінге шегерілді

Қаңтар оқиғасына байланысты айыпталған Серік Күдебаевтың соты 16 наурызға шегерілді.

Алматы облысы полиция департаментінің бұрынғы басшысы Серік Күдебаев денсаулығының нашарлауына байланысты ауруханаға түскен. Осылайша 10 наурызға жоспарланған сот кейінге шегерілді.

28 ақпан күні Талдықорғанда өткен Серік Күдебаевтың сотында прокурор оны 9 жылға бас бостандығынан айыруды сұрады.

Айта кетейік, Серік Күдебаев 2020 жылғы қаңтарда Алматы облысының полиция департаментінің бастығы қызметіне тағайындалды. 2022 жылғы 18 ақпанда ішкі істер органдарынан өз еркімен кетті. 2022 жылғы 13 мамырда Серік Күдебаев қаңтар оқиғасы бойынша күдікті деп танылды.

Фото: ашық дереккөз