Генерал-майордың өлімі туралы істі прокуратура бақылауға алды

Прокуратура генерал-майор Жайлаубек Халықұлының өліміне қатысты түсініктеме берді.

– Алматы қаласының прокуратурасы 6 тамыз күні сағат 07.15 шамасында Алматы қаласы бойынша ҚАЖД тергеу изоляторының камерасында асылып қалған Халықұлы Жайлаубектің табылғаны туралы қоңырау түскенін хабарлады. Аталған факті бойынша сотқа дейінгі тергеу басталды, өлімнің себептерін анықтау үшін қажетті тергеу әрекеттері жүргізілетін болады. Тергеу барысын Алматы прокуратурасы бақылауға алды, — деп хабарлады ведомстводан.

Мамыр айында 2009-2016 жылдары Алматы және Ақмола облыстарының ішкі істер департаменттерін басқарған полиция генерал-майоры Жайлаубек Халықұлы сыбайлас жемқорлыққа қарсы іс-қимыл Агенттігі қамауға алған еді.

Фото: gov.kz

• 52
• 51