Әйелін соққыға жыққан Рахат Тұрлыханов қамалды

Әйелін соққыға жыққан әнші Рахат Тұрлыханов 10 тәулікке қамауға алынды, деп хабарлайды Exclusive.kz тілшісі.

Бұған дейін Алматы әкімшілік соты Рахат Тұрлыханов пен әйелінің татуласқанына байланысты ескерту жасаған еді. Айта кетейік, Рахат Тұрлыханов – мәжіліс депутаты Дәулет Тұрлыхановтың інісі. Әншінің ісі бойынша сот отырысы жабық режимде өткен.

Сот алқасының қаулысына байланысты Рахат Тұрлыхановқа қатысты жазалау шарасы ескерту беруден 10 тәулік әкімшілік қамауға алу жазасына өзгертілгені белгілі болды.

Фото: ашық дереккөз