Jusan Bank Назарбаевтың банкке қатысы туралы ақпаратты жоққа шығарды

Jusan Bank өкілдері олардың бас компаниясы Jusan Technology Limited, қаржы институты, еншілес компаниялары Нұрсұлтан Назарбаевқа және оның отбасы мүшелеріне тиесілі емес екенін мәлімдеді.

Қаржы институты 2021 жылға дивиденд төлеуден бас тартқан. Үкімет басшысы Әлихан Смайылов жазда Jusan Bank-ке қолдау «қайтарымды негізде көрсетіледі, қаражат ірі банктердің осы реттелген облигацияларының айналыс мерзімі шегінде қайтарылады» деп сендірді.

Бірақ кеше Jusan Bank-тің негізгі үлесін иеленетін First Heartland Securities акционерлерінің кезектен тыс жиналысында 2021 жылға арналған қызмет нәтижелері бойынша қаржы институтынан 172 млрд теңге көлемінде дивидендтер алу туралы шешім қабылданды.

– Банк Назарбаев мырзаның да, оның отбасы мүшелерінің де Jusan Bank-ке, оның еншілес ұйымдарына және Jusan Technology Limited бас компаниясына ешқандай қатысы жоқ екенін анық мәлімдейді. Олар сондай-ақ акционерлер де емес және қандай да бір нысанда банкке немесе JTL-ге бақылауды жүзеге асырмайды, – деп мәлімдеді қаржы институты.

Фото: BBC