Канелоға қарсылас боламын – Жәнібек Әлімханұлы

Орта салмақта WBO чемпионы Жәнібек Әлімханұлы екінші орта дивизионға көтеріліп, мексикалық Сауль Канело Альвареспен жұдырықтасуға дайын екенін мәлімдеді, деп хабарлайды Exclusive.kz.

Әйгілі қазақстандық боксшы Генадий Головкин WBA нұсқасы бойынша әлем чемпионы атағынан бас тартқан еді. Осыған байланысты Жәнібек Әлімханұлы мәлімдеме жасады.

– Биыл үлкен жекпе-жектер ұйымдастыруға тырысамын. Ал егер маған ондай мүмкіндік бермесе, 2024 жылы 168 фунтта Канелоға міндетті қарсылас боламын. Мұның мүмкін екенін бәрі біледі. Бұйыртса келесі жылы екі салмақта чемпион атанамын! – деп жазды боксшы Twitter-дегі парақшасында.

Коллаж: Exclusive.kz