«Әкімдердің бәріне айтарым бар»: Президент әкімдерге ескерту жасады

Бүгін Қасым-Жомарт Тоқаев Үкіметтің кеңейтілген отырысына қатысты. Президент Екібастұздағы жағдайды «нағыз апат» деп атады және әкімдерге ескерту жасады.

– Әкімдердің бәріне айтарым бар. Өз өңірлеріңіздің әлсіз тұстарын жіті зерттеп, ол мәселелерді шешу механизмін, алгоритмін қарастырыңыздар. Ертең Екібастұздағыдай болмасын. Бұл өте маңызды, – деді ол.

Сондай-ақ мемлекет басшысы Екібастұз жылу энергия орталығындағы апаттың мән-жайын анықтауды тапсырды.

– Мен еріктілерге жұмысы үшін алғыс айтқым келеді.  Бұл жағдай мемлекеттік органдар мен табиғи монополиялар субъектілерінің жылу беру маусымына деген жауапсыздығын айқын көрсетті.  Бізде қордаланған мәселелерді жасыру тәжірибесі бар, –деді Тоқаев.

Фото: Борт 01