Үкімет басшысы балаларының қай жерде білім алатынын айтты

Премьер-министр Әлихан Смайылов балалары Астанадағы қарапайым мемлекеттік мектепте оқитынын айтты.

Үкімет басшысының өзі Алматыдағы Әл-Фараби атындағы Қазақ ұлттық университетінде білім алған.

Смайылов журналистердің «қазақстандық медицина мен білімге сенесіз бе?» деген сұрағына жауап берді.

– Әрине, мен білім сапасына да, денсаулық сақтау саласына да сенемін. Мен және менің жұбайым Қазақстанда емделеміз, – деді Әлихан Смайылов.

Айта кетейік, 14 маусым күні Қазақстанның ғылым және жоғары білім министрі Саясат Нұрбектің балалары Кипрде оқитыны туралы ақпарат пайда болды. Бұл дерек қоғамда қызу талқыға түсті.

Фото: Sputnik