Лукашенко елге опасыздық жасаған шенеуніктерге өлім жазасын енгізді

Беларусьте мемлекетке опасыздық жасағаны үшін шенеуніктер мен әскери қызметшілерге қатысты өлім жазасын қолдану мүмкіндігін қарастыратын заң күшіне енді, деп хабарлайды Exclusive.kz.

Дәл осы заңда терроризмді насихаттау және әскердің беделін түсіру үшін жасалған үгіт-насихатқа қарсы қылмыстық жауапкершілік қарастырылған.

«Қылмыстық жауапкершілік туралы кодекстерді өзгерту туралы» заң жобасын министрлер кеңесі 2022 жылдың қазан айының соңында енгізген.

Беларусь президенті Александр Лукашенко құжатқа 9 наурызда қол қойды, ал 14 наурызда заң елдің құқықтық интернет-порталында жарияланды. Құжатта ол ресми жарияланғаннан кейін он күн өткен соң күшіне енеді деп жазылған.

Фото: РБК