Маңғыстау: жұмыссыз қалған ауыл тұрғындары аштық жариялады

Маңғыстау облысындағы ауыл тұрғындары ереуілге шығып, аштық жариялады, деп хабарлайды Exclusive.kz.

Жетібай ауылының жұмыссыз тұрғындары мұнай саласында жұмыс істеуді талап етті. Бұған дейін наразы топ мұнай кәсіпшілігіне баратын жолды жауып тастаған еді.

Аудан әкімшілігі Жетібай тұрғындары бос жұмыс орындарын бөлу кезінде өздеріне артықшылық беруді талап ететінін айтты.

Лада мәліметінше, аудан әкімдігі жұмыссыздардың ереуілін заңсыз деп таныған. Аудандық әкімшіліктің хабарлауынша, 29 наурыздан бастап «Е-otinish» бірыңғай порталы арқылы аштық жариялау түрінде наразылық акциясын өткізу туралы барлығы 13 өтініш түскен.

– Қазіргі уақытта өтініштер уәкілетті мемлекеттік органдардың қарауында. Алайда, акция кезінде аштық жариялау қолданыстағы заңнамамен реттелмейтінін атап өткен жөн. Жұмыссыздар әкімдік ұсынған жұмыс орындарынан бас тартты, — деп хабарлады аудан әкімдігі.

Фото: скриншот