Мамин қол қойған құжаттар «Ашық НҚА» порталынан жоғалып кетті ме?

Бүгін отандық БАҚ-та «Ашық НҚА» порталынан елдің бұрынғы премьер-министрі Асқар Мамин қол қойған барлық құжаттар жоғалып кеткені туралы ақпарат тарады.

Сайтта ЭКСПО-2017 көрмесі мен Универсиаданы өткізу үшін ведомствоаралық комиссия құру туралы министрлер кабинетінің бұрынғы басшысының өкімінің бір ғана жобасы қалған.

Әділет министрлігі құжаттардың жоғалмағанын айтты. ҚР Нормативтік құқықтық актілерінің мемлекеттік тізіліміне және ҚР Нормативтік құқықтық актілерінің эталондық бақылау банкіне енгізу үшін ведомствоға заңды түрде жіберілген. Кейін құжаттар adilet.zan.kz сайтында қол жетімді болады.

– Ашық НҚА порталы «ашық үкімет» экожүйесінің бес модулінің бірі болып табылады, онда заң жобаларының тұжырымдамалары және пайдаланушылардың талқылауы үшін нормативтік құқықтық актілердің жобалары орналастырылады. Талқылау аяқталған кезде, порталда автоматты түрде азаматтардың келіп түскен түсініктемелері және тиісті мемлекеттік органның түсініктемелері туралы есеп болады. Үкімет қаулыларын келісу мен бекітудің одан әрі рәсімдері «Ашық НҚА» порталын пайдаланбай жүргізіледі, – деп түсіндірді Әділет министрлігінде.

Осылайша, қабылданған қаулыларды НҚА эталондық бақылау банкінен электронды түрде табуға болады. Сайтта үкіметтің бұрынғы басшысы қол қойған құжаттары бар 57 бет бар.

Асқар Мамин премьер-министр қызметін 2019 жылдан бастап 2022 жылға дейін атқарды. Қаңтар оқиғаларынан кейін министрлер кабинеті отставкаға кетті. Бұған дейін де бұрынғы премьер-министр қоғам тарапынан бірнеше рет сынға түскен болатын.

Жақында ғана Асқар Мамин, бұрынғы Индустрия және инфрақұрылымдық даму министрі Бейбіт Атамқұлов, сондай-ақ Алматы әкімі Ерболат Досаев Тоқаевтың Жарлығымен Қазақстан Президенті жанындағы Шетелдік инвесторлар кеңесінің құрамынан шығарылды.

Фото: ашық дереккөз

• 60
• 53