Мемлекеттік кірістер департаментінің бөлім басшысына қатысты тергеу аяқталды

Сыбайлас жемқорлыққа қарсы қызмет Астана қаласы бойынша Мемлекеттік кірістер департаментінің бөлім басшысына қатысты тергеуді аяқтағанын мәлімдеді, деп хабарлайды Exclusive.kz.

Ол 2022 жылдың желтоқсанында квазимемлекеттік кәсіпорынға жүргізіліп жатқан тексеру бойынша салықтарды қосымша есептеу сомасын төмендеткені үшін 20 млн теңге көлемінде пара алған.

Тергеу сотының санкциясымен күдікті қамауда. Қазіргі уақытта Астана қаласының прокуратурасы айыпталушыны сотқа берді.

Айта кетейік, ҚР ҚПК 201-бабына сәйкес тергеу мүддесі үшін өзге ақпарат жария етуге жатпайды.

Фото: ашық дереккөз