Мені халық емес, депутаттар таңдады – ауыл әкімі

Іле ауданы әкімдігінің Әдеп жөніндегі уәкілі Ащыбұлақ ауылдық округінің әкімі Жасұлан Оңалбаевпен түсіндірме жұмыстарын өткізді.

Оңалбаевпен ауыл тұрғындарымен дөрекі сөйлесіп, бұл қоғамда қызу талқыданды, деп хабарлайды Exclusive.kz.

Ауыл тұрғындары мен Оңалбаев арасындағы жанжалдың себебі – кәріз құбырының жарылуы. Апат 14 ақпанда болған. Ауылдық округ басшысы тұрғындармен әңгімелесуге шығып, кейін арада жанжал болды.

Ащыбұлақ тұрғыны әңгіме барысында әкімге халықпен бірге болуға міндетті екенін айтады. Ащыбұлақ ауылдық округі әкімі мені аудандық мәслихат депутаттары сайлады деп жауап берген.

Коллаж: Exclusive.kz