Министр Қазақстандағы кедейлік туралы: Кедей ел жоқ деп айту мүмкін емес

Еңбек және халықты әлеуметтік қорғау министрі Тамара Дүйсенова Қазақстандағы кедейлік деңгейі туралы пікір білдірді.

– Барлық елдерде кедейлік бар. Абсолютті кедейлік және салыстырмалы кедейлік бар. Қазақстанда бұл салыстырмалы түрде. Жалақы өсті, әлеуметтік төлемдер өсті, қажеттіліктер мен бағалар өсіп жатыр. Кедей ел жоқ деп айту мүмкін емес. Бірақ адамдарға уақтылы қолдау көрсету арқылы бұл кедейліктің алдын алу мүмкін болады. Қазір біз кедейліктің салдарымен көбірек күресіп жатырмыз, ал отбасы мүшесі жұмысынан айырылған отбасына жұмыс табуға немесе әлеуметтік төлем беруге болады, – деді министр.

Сондай-ақ Тамара Дүйсенова әлеуметтік көмек алатын отбасылардағы жағдай туралы айтты.

– Мен облыстардың бірінде болдым. Бір отбасы көп балалы ата-ана ретінде ай сайын 110 мың теңгеге жуық жәрдемақы алуы керек болған. Олар мұны білмей 20 мың теңге көлемінде атаулы әлеуметтік көмек алған. Қазақстанда 200-ден астам заң бар, адамдар өз құқықтарын білуі керек, – деді Дүйсенова.

Фото: ашық дереккөз