Нұрсұлтан Назарбаев Түркиядағы демалысынан оралды

Нұрсұлтан Назарбаев Түркиядағы демалысынан оралды. Бұл туралы оның баспасөз хатшысы Айдос Үкібай Twitter желісінде хабарлады.

Айдос Үкібайдың айтуынша, Назарбаев демалыс кезінде шетелдік шенеуніктер және бизнес өкілдерімен кездеспеген. Сондай-ақ, демалысты туған-туыстарының арасында өткізген.

– Нұрсұлтан Назарбаев туған-туысқандары мен жақындарының ортасында Түркияда өткізген демалысынан оралды. Демалыс кезінде тұңғыш президент шетелдік шенеуніктермен және бизнес өкілдерімен кездескен жоқ, – деп жазды.

Фото: elbasy.kz