Назарбаев Владимир Путинге кітабын сыйға тартты

Қазақстанның бұрынғы президенті Нұрсұлтан Назарбаев Ресей президенті Владимир Путинге кітабын сыйға тартты, деп хабарлайды Exclusive.kz тілшісі.

– Нұрсұлтан Әбішұлы Владимир Владимировичке кітабын жіберді. Ол Президентке жеткізіледі. Бұл авторлық экземпляр, – деді Ресей президентінің баспасөз хатшысы Дмитрий Песков.

Журналистер кітапта Назарбаев бір тарауды Путинге арнағанын атап өтті. Назарбаев кітабында Путинді «істің адамы» деп бағалаған.

Айта кетейік, 1 желтоқсан күні Нұрсұлтан Назарбаевтың «Менің өмірім. Бодандықтан – бостандыққа» атты естелік кітабы сатылымға шыққан болатын.

Фото: РБК