Нығматулин, Байбек және Маминнің активтері тексеріле ме? – Антикор жауабы

Сотқа дейінгі тергеп-тексеру қызметінің басшысы Қанат Сүлейменов активтерді қайтару жөніндегі жұмыс туралы егжей-тегжейлі айтып берді. Оның айтуынша, ӨКМ операторының ісі бойынша мемлекетке 180 млрд теңге қайтарылған, деп хабарлайды Exclusive.kz тілшісі.

– Бұл ақшаның барлығы әлеуметтік қажеттіліктерге жұмсалады. Жыл соңына дейін бізде 180 млрд теңге қайтару жоспарланып отыр. Істер әлі зерттелуде, – деді ол.

БАҚ өкілдері шенеуніктен президенттің кіші қызы Әлия Назарбаеваның осы іске қатысы бар екендігі туралы түсініктеме беруін сұрады.

– Біз ӨКМ операторына қатысты істі аяқтадық, сот процесі өтті, үкім шықты. Бізде басқа материалдар жоқ, – деп жауап берді Сүлейменов.

Сонымен қатар тілшілер Антикор өкілінен Назарбаевқа жақын адамдардың, соның ішінде Нұрлан Нығматулин, Бауыржан Байбек және Асқар Маминнің активтері қайтарыла ма деп сұрады.

– Олардың активтері туралы әлі ақпарат жоқ, – деп жауап берді ол.

Коллаж: Orda.kz