Қостанайда бір қабатты тұрғын үй ғимараты жарылып, ер адам қайтыс болды

Қостанайда бір қабатты тұрғын үй ғимараты жарылды. Қайғылы оқиға салдарынан жеті адам үйінді астында қалып, бір адам көз жұмды, деп хабарлайды Exclusive.kz тілшісі.

Төтенше жағдай бүгін сағат түскі 12:36-да болған. Қазіргі дерек бойынша 2 адам құтқарылды, ал қайтыс болған адамның жеке басы анықталуда.

Жедел штаб құрылды. Іздеу жұмыстары жалғасып жатыр. Іздестіру-құтқару жұмыстарына Қостанай облысы ТЖД және жергілікті атқарушы органдардың күштері жұмылдырылды. Алғашқы медициналық көмекке 12 адам жүгінген.

Фото: Қостанай облысы ТЖД