Парламент мәжілісіндегі үш партияға жыл сайын 8 млрд теңге бөлінеді

ҚР Парламент мәжілісіндегі «Аманат», «Қазақстан халық партиясы», «Ақ жол» партияларына жыл сайын бюджеттен 8 миллиард теңге бөлінеді.

Бұл туралы қаржы министрі, премьер-министрдің орынбасары Ерұлан Жамаубаев мәлімдеді

– Заңмен қабылданған белгілі бір есептеу жүйесі бар. Қаражат соған қарай бөлінеді. Жалпы үш партияға жылына 8 миллиард теңге бөлінеді, – деді Жамаубаев.

Сондай-ақ Қаржы министрі Amanat партиясын қаржыландыруға 1 млрд доллар бөлінетіні туралы ақпаратты жоққа шығарды.

– Бұл жалған ақпарат. Бізде мәжілісте отырған барлық партиялар бойынша партияларды қаржыландыру туралы ақпарат бар, – деді Ерұлан Жамаубаев.

Фото: Facebook / Берік Уәли

• 28
• 27