Президент сайлауы: Саяси додаға тағы бір үміткер қосылды

Жалпыұлттық социал-демократиялық партиясы кезектен тыс президент сайлауына  Нұрлан Әуесбаевты ұсынды.

1 қазанда елордада өткен партияның съезінде шешім қабылданды. Партия мүшелері оппозициялық саясаткерлер Жасарал Қуанышалин мен Уәлихан Қайсардың кандидатурасын қолдаудан бас тартқан.

ЖСДП-ның бөлімшесін басқаратын Нұрлан Әуесбаев Түркістан облысының тумасы.

Айта кетейік, кеше кезектен тыс президент сайлауына «Ауыл» партиясынан Жигули Дайрабаевтың кандидатурасы ұсынылды.