Ресей астық мәмілесінің тоқтатылғанын хабарлады

Ресей ресми түрде астық мәмілесін тоқтатты. Бұл туралы Ресей Федерациясы Президентінің баспасөз хатшысы Дмитрий Песков журналистерге мәлімдеді, деп хабарлайды Exclusive.kz тілшісі.

– Қара теңіз келісімшарты бүгін өз жұмысын тоқтатты. Ресей Федерациясының президенті бұған дейін айтқандай, оның мерзімі 17 шілдеде аяқталуы тиіс еді. Өкінішке орай, осы Қара теңіз келісіміндегі Ресейге қатысты бөлік әлі орындалған жоқ. Астық мәмілесі тоқтады, – деп жазылған хабарламада.

Еске салайық, наурыз айында Ресей астық мәмілесін екі айға созған болатын.

Фото: ашық дереккөз