Сәтқалиев Энергетика министрі қызметіне тағайындалды

«Самұрық-Қазына» ӘАҚ АҚ басқарған Алмасадам Сәтқалиев Энергетика министрі болып тағайындалды, деп хабарлайды Exclusive.kz.

– Мемлекет басшысының Жарлығымен Алмасадам Майданұлы Сәтқалиев Қазақстан Республикасының Энергетика министрі лауазымына тағайындалды, – деп жазылған Ақорданың баспасөз хабарламасында.

Айта кетейік, Энергетика министрі қызметін атқарған Болат Ақшолақов Қасым-Жомарт Тоқаевтың кеңесшісі болды.

– Мемлекет басшысының өкімімен Болат Оралұлы Ақшолақов Қазақстан Республикасы Президентінің кеңесшісі лауазымына тағайындалды, – деп жазылған хабарламада.

Фото: ашық дереккөз