Самат Әбіштің қаңтар оқиғасына қатысы бар ма? – Бас прокурор жауабы

Ұлттық қауіпсіздік комитеті (ҰҚК) төрағасының бұрынғы бірінші орынбасары Самат Әбіштен қаңтар оқиғасына қатысты куәгер жауап алынып жатыр. Бұл туралы Қазақстанның Бас прокуроры Берік Асылов мәлімдеді.

– Самат Әбіштен жай ғана куәгер ретінде жауап алынды, – деді Асылов.

Сондай-ақ, Бас прокурор Самат Әбіштің күдікті емес екенін атап өтті, бірақ мемлекеттік төңкеріс туралы хабардар болды ма деген сұраққа жауап беру қиын екенін айтты.

Бұрынғы президент Нұрсұлтан Назарбаевтың немере інісі Самат Әбіш қаңтар оқиғасынан кейін көп ұзамай ҰҚК төрағасының бірінші орынбасары қызметінен айырылды.

Фото: ашық дереккөз