Самат Әбіштен Мәсімовтің ісі бойынша жауап алынды

ҚР ҰҚК төрағасының бұрынғы бірінші орынбасары Самат Әбіштен Кәрім Мәсімовтің ісі бойынша жауап алынды. Сондай-ақ ҰҚК Самат Әбіш бұрынғы ведомство басшыларына қатысты қылмыстық іс бойынша куәгер екенін хабарлады.

– Әбіш Қ. Қ. Мәсімовке, А. Т. Садықұловқа, Д. Е. Ерғожинге, М. С. Осиповке және басқа да 175-баптың 1-бөлігінде, 179-баптың 3-бөлігінде, 218-баптың 3-бөлігінің 3-тармағында, 362-баптың 4-бөлігінің 3-тармағында көзделген қылмыс белгілері бойынша қылмыстық іс бойынша куәгер ретінде жауап алынды.С.Әбішке қатысты қылмыстық істерді Ұлттық қауіпсіздік органдары тіркемеді, бұлтартпау шарасы таңдалмады, – деді ҰҚК баспасөз қызметі өкілдері Tengrinews.kz сауалына.

22 маусым күні Парламент Мәжілісінің сыртында ҰҚК төрағасының орынбасары Асқар Әмірханов Самат Әбіш «тергеу орбитасында» екенін, бірақ қандай мәртебеде екенін нақтыламағанын айтты.

Еске салайық, осы жылдың 6 қаңтарында Ұлттық қауіпсіздік комитеті ҚР ҚК 175-бабы 1-бөлігі бойынша мемлекетке опасыздық жасау фактісі бойынша тергеуді бастаған болатын. Сол күні ҰҚК-нің бұрынғы төрағасы Кәрім Мәсімов пен басқа да адамдар ұсталды.

Фото ашық деректерден

• 58
• 46