Түркістан облысы: 8 сағатқа созылған дала өрті сөндірілді

Түркістан облысында 10 гектар жерде құрғақ шөп пен бұта өртенген еді. Қазіргі уақытта өрт ауыздықталды.

Түркістан облысы әкімінің орынбасары Сәкен Қалқамановтың айтуынша, тілсіз жаумен күреске 70 адам және 8 бірлік техника жұмылдырылған. Сондай-ақ, өртті сөндіруге метеожағдай кедергі болған.

– Өртті сөндіру барысында жайсыз метеожағдай кедергі келтірді. Жылдамдығы 25 м/с-тан асатын қатты жел тұрғандықтан, өрт үлкен аумаққа тез жайылды. Қаза болғандар мен зардап шеккендер жоқ. Облыс аумағында өрт қауіпті аймақтарда кезекшілік ұйымдастырылды. Облыс әкімі жағдайды жеке бақылауда алды», – деп жазды Қалқаманов Facebook парақшасында.

Фото: ашық дереккөз

• 35
• 41