Түркияда жер сілкінісінен қаза тапқандар саны 46 мыңға жуықтады

Түркияның ішкі істер министрі Сүлейман Сойлу Хатай провинциясының Аймақтық үйлестіру орталығында мәлімдеме жасап, зілзала салдарынан көз жұмғандар санын атады, деп хабарлайды Exclusive.kz.

– Бүгінгі таңда жер сілкінісі салдарынан 45 мың 968 мың адам қаза тапты, оның ішіндегі 4 мың 267 адам – Сирия азаматтары, – деп хабарлады Түркия ішкі істер министрі.

Сүлейман Сойлу бірінші жер сілкінісінен бері 13 мыңнан астам жер асты дүмпулері болғанын атап өтті.

– Барлығы 26 300 ғимарат құлады. Қирандылар орынында іздестіру-құтқару операциялары жүргізілді, – деді ол.

Фото: РБК