Талдықорған әкімі мен ауған соғысы ардагерлері арасында дау туды

24 тамыз күні Талдықорған қаласының әкімдігінде қала басшысы Әсет Ма сабаев пен Ауған соғысы ардагерлері арасында жанжал туды.

Әкім 10-нан астам ауған соғысы ардагерлерін қабылдаған. Пікірталастың басты тақырыбы – қала аумағында ардагерлерге тұрғын үй және жер телімдерін беру мәселелері. Олар әскери қызметтері үшін баспана беруді талап етті.

Талдықорған әкімі қала тұрғындары пәтерлер мен учаскелерді кезек арқылы алатынын және заңнаманы бұзуға құқығы жоқ екенін айтты. Алайда ардагерлер Масабаевтың жауабына қанағаттанбады.

– Кезек тек артқа қарай жылжыды. Жылдар бойы біз шыдап, күттік. Қанша адам заңсыз алды, ал біз әлі де пәтер жалдауға мәжбүрміз, – дейді ардагерлер.

Талдықорған әкімі ардагерлерге өзінің отставкаға кетуін талап ететін петиция құруды ұсынды.

– Егер менің жұмысыма қанағаттанбасаңыздар, «Масабаев кетсін» деген петиция құрыңыздар. Мен кетемін, – деп жауап берді ардагерлерге қала әкімі.

Талдықорған әкімдігінде тұрғын үй Қазақстанның қолданыстағы заңнамасына сәйкес кезек бойынша берілетінін мәлімдеді.

Фото: ашық дереккөз

• 35
• 34