Талдықорғанда білім бөлімінің басшысы 280 млн теңге пара алған

Контекст дня — 27 апреля 2023 11:10

0 -1

Жетісу облысы бойынша Антикоррупциялық қызмет Талдықорған қаласы Білім бөлімінің басшысына қатысты тергеу жүргізіп жатыр, деп хабарлайды Exclusive.kz Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

Ол Білім бөлімінде бюджет қаражатын ұрлау фактілерін жасырғаны үшін қарамағындағылардан 280 млн теңге пара алды деген күдікке ілінген.

– Соттың санкциясымен күдікті қамауға алынды. Өз кезегінде пара берген адамдар бюджет қаражатын аса ірі мөлшерде ұрлау туралы іс бойынша негізгі айыпталушылар болып табылады және соттың санкциясымен қамауда, – деп жазылған хабарламада.

Айта кетейік, ҚПК-нің 201-бабына сәйкес тергеу мүддесі үшін өзге ақпарат жария етуге жатпайды. Сотқа дейінгі тергеп-тексеру жалғасып жатыр.

Фото: ашық дереккөз