Тоқаев Шөкеевті қызметінен босатты

Өмірзақ Шөкеев Түркістан облысының әкімі қызметінен босатылды. Бұл туралы Ақорданың баспасөз қызметі хабарлады.

– Мемлекет басшысының Жарлығымен Өмірзақ Естайұлы Шөкеев Түркістан облысының әкімі лауазымынан босатылды. Президент аймақ басшысы қызметіндегі көп жылғы жұмысы үшін алғыс айтты, – делінген хабарламада.

Түркістан облысының әкімі болып Дархан Сатыбалды тағайындалды. Тиісті жарлыққа президент Қасым-Жомарт Тоқаев қол қойды.

– Мемлекет басшысының Жарлығымен Дархан Амангелдіұлы Сатыбалды Түркістан облысының әкімі болып тағайындалды, – делінген хабарламада.

Фото: ашық дереккөз