Владимир Путин күзде Қазақстанға келеді

Президент Қасым-Жомарт Тоқаев демалыс күндері Ресейде болған дүрбелеңге қатысты пікір білдірді, деп хабарлайды Exclusive.kz.

– Отандық журналистердің алдында шетелде болып жатқан және біздің геосаяси ортамыздағы оқиғаларды объективті түрде жариялау міндеті тұр. Сіздер бұл тапсырманы сәтті орындап жүрсіздер. Бұл, мысалы, Ресейдегі соңғы оқиғаларды тарату кезінде байқалды. Біздің азаматтар көтеріліс әрекетін үлкен алаңдаушылықпен қабылдады. Бұл түсінікті, өйткені Қазақстан мен Ресей арасында әлемдегі ең ұзын мемлекеттік шекара бар. Біз біртұтас экономикалық кеңістікте тұрмыз, бізді мыңдаған гуманитарлық байланыстар біріктіреді, – деді Тоқаев.

Мемлекет басшысы Ресей президенті Владимир Путинмен телефон арқылы сөйлесу барысында оның конституциялық тәртіп пен заңдылықты сақтауға және нығайтуға бағытталған әрекеттерін толық қолдайтынын мәлімдеді.

– Ресей мемлекетінің әлеуеті мен оның ұлттық көшбасшысының жеке басын ескере отырып, бұған күмән болған жоқ. Біз тіпті осы жылдың күзінде Ресей президентінің Қазақстанға алдағы сапарын талқыладық. Бүгінгі таңда мүмкіндікті пайдалана отырып, Қазақстанның Ресеймен ұзақ мерзімді және тұрақты стратегиялық әріптестік форматында көпжақты ынтымақтастықты одан әрі нығайтуға қатысты қағидатты ұстанымын растаймын. Мұндай ұстаным халқымыздың мүддесіне толық сәйкес келетініне сенімдімін, – деді Тоқаев.

Фото: ашық дереккөз