Қырғыз халқы Екібастұз тұрғындарына көмек қолын созды

Контекст дня — 2 декабря 2022 16:30

0 -1

Қырғызстан халқы Екібастұз тұрғындарына көмектесуге әзір. Екібастұзда 17 көпқабатты үйдің тұрғындары әлі жылусыз отыр.

– Екібастұз халқы алты күн бойы қақаған аязда жылусыз және ыстық сусыз отыр. Егер сіздерде жылыту құралдары болса, маған жіберіңіздер. Бауырлас қазақ халқына көмек қолын созайық, – деді Динара Ошурахунова әлеуметтік желідегі парақшасында.

Еске салайық, Екібастұздағы жылу желілерінде апат болды. Қазір тұрғындар көшеге шығып, от жағуға мәжбүр.

Апат фактісі бойынша ЖЭО-да тергеу басталды. Апатты жоюға Астана мен тағы үш қаладан мамандар жіберілді. Премьер-министр Әлихан Смайылов апатқа қатысты Қазақстан өңірлерінің энергетикалық объектілеріне толық техникалық аудит жүргізуді тапсырды.

Фото: ашық дереккөз