Өзбекстан президенті қауіпсіздік қызметкерлерін жаппай қызметінен босатты

Өзбекстан президенті Шавкат Мирзиеев ІІМ алқасының кеңейтілген отырысында бірден ІІБ 15 бастығын, бес прокурорды және ішкі істер министрінің орынбасарын қызметінен босатты, деп хабарлайды Exclusive.kz Podrobno.uz сайтына сілтеме жасап.

Тәртіп сақшылар жаппай жұмыстан қууға олардың әрекетсіздігі себеп болған. Өзбекстан ішкі істер министрінің орынбасары Нәжімиддин Тұрақожаев құқықтық тәртіп органдарында цифрландыру саласын дамыту бойынша өзіне жүктелген міндеттерді орындамаған.

Мирзиеев Бас Прокурордың бірінші орынбасары Бахриддин Әлиевке, ішкі істер министрінің бірінші орынбасары Шавкат Рахмоновқа, сондай-ақ ІІМ басшысының орынбасары Бекмурод Абдуллаевқа сөгіс жариялады.

Өзбекстан президенті осы жағдайдан дұрыс қорытынды жасамаса, өңірлердің барлық прокурорлары мен ІІБ басшысының бірінші орынбасарлары жыл соңында өз міндеттерінен босатылатынын атап өтті.

Фото: ашық дереккөз