Өзбекстанда президент сайлауы өтті

Бүгін Өзбекстанда президент сайлауы өтті, деп хабарлайды Exclusive.kz Өзбекстанның Орталық сайлау комиссиясының сайтына сілтеме жасап.

Президент сайлауына қатысатын кандидаттар саны – 4 адам. Өзбекстанның либералды-демократиялық партиясы тағы да Шавкат Мирзиеевтің кандидатурасын ұсынды.

Қалған үміткерлер қатарында Ұлықбек Иноятов, Робахон Махмудов, Абдушукур Хамзаев бар.

Өзбекстанның Орталық сайлау комиссиясы елдегі мерзімінен бұрын сайлауды ресми түрде өтті деп жариялады.

Саяси аламанда сайлаушылардың 33,54 пайызы дауыс беруге қатысқан. Өзбекстан заңнамасына сәйкес, сайлауды өтті деп жариялау шегі 33 пайызды құрайды. ОСК мәліметтері бойынша, Өзбекстанда барлығы 19 270 212 сайлаушы тіркелген.

Коллаж: tengrinews