Жапонияда бұрынғы премьер-министр қастандық салдарынан көз жұмды

Контекст дня — 8 июля 2022 18:30

0 -1

Жапонияның бұрынғы премьер-министрі Синдзо Абэ қастандық жасалғаннан кейін ауруханада қайтыс болды.

Таңертең Жапонияның бұрынғы премьер-министріне шабуыл жасалып, Синдзо Абэ ауыр жарақат алды.

Синдзо Абэнің атасы – Нобусуке Киси, Жапонияның бұрынғы премьер-министрі. Оның әкесі — Абе Синтаро бұрын елдің Сыртқы істер министрі болған.

2000 жылдан бастап Абе Мори және Коидзуми Үкіметтерінде жұмыс істеді. 2003-2004 жылдары Жапония либерал-демократиялық партиясының Бас хатшысы болды. 2005 жылдың қазан айында министрлер кабинетінің Бас хатшысы қызметін атқарды.

Синдзо Абэ 2006-2007 және 2012-2020 жылдары екі рет Жапонияның премьер-министрі қызметін атқарды.

Фото ашық деректерден