Жазушылар Одағының жаңа төрағасы тағайындалды

Мереке Құлкенов Қазақстан Жазушылар одағының төрағасы болып сайланды, деп хабарлайды Exclusive.kz.

Қазақстан Жазушылар Одағының құрылтайы өтіп, Одаққа жаңа басшы сайланды. Бұрынғы төраға Ұлықбек Есдәулет түркі мемлекеттерінің Жазушылар Одағын басқаруына байланысты өз қызметінен кетті.

Мереке Әбдешұлы Құлкенов — 1951 жылы 8 қарашада Атырау облысы, Қызылқоға ауданы, Қарабау ауылында туған. Қазақстанның еңбек сіңірген қызметкері. Құрмет орденімен, ұлттық журналистік сыйлық Алтын жұлдыз т.б. бірнеше медальдармен марапатталған.

Нұржан Қуантайұлы төрағаның бірінші орынбасары, Бауыржан Жақып — екінші орынбасары, Қасымхан Бегманов — үшінші орынбасары, Ғалым Қалибек — төртінші орынбасары, Бейбіт Сарыбай — бесінші орынбасары болып тағайындалды.

Фото: ашық дереккөз

#ЖазушыларОдағы #Қазақстан #Құлкенов