«Жол берілмейді»: ІІМ «25 қазанда митинг өтеді» деген ақпаратқа түсініктеме берді

Ішкі істер министрінің орынбасары Игорь Лепеха Республика күні қарасаңында митинг өтеді деген ақпаратқа түсініктеме берді, деп хабарлайды Exclusive.kz тілшісі.

– 25 қазанда Қазақстанда Қазақстанның демократиялық таңдауы (ҚДТ) экстремистік ұйымының митингілеріне жол берілмейді. Біз күшейтілген түрде жұмыс істейміз. Қазір әкімдіктерден барлық іс-шаралар туралы сұрап жатырмыз. Сол бойынша қоғамдық тәртіпті қамтамасыз ететін боламыз. 25 қазан күніне арналған шақыруларға келетін болсақ, ҚДТ мүшелерінің әрекеттері байқалады. Бұл экстремистік ұйым және біз оларға ешқандай митинг өткізуге жол бермейміз, – деді Лепеха Үкіметте өткен брифингте.

ІІМ өкілі митингілерді өткізуге арналған басқа азаматтардың өтінімдерін жергілікті құқық қорғау органдары қарайтынын айтты.

Фото: sputnik