Журналист Думан Мұхаммедкәрім жәбірленуші деп танылды

Журналист Думан Мұхаммедкәрім «азаптау» бойынша істе жәбірленуші деп танылды. Бұл туралы адвокат Ғалым Нұрпейісов мәлімдеді, деп хабарлайды Exclusive.kz тілшісі.

– 1 наурызда 146-баптың 3-бөлігі 1-тармағы бойынша қылмыстық іс қозғалды. Бүгін, 5 наурызда арнайы прокурор Думанды жәбірленуші деп тану жөнінде қаулы шығарды. Бүгін жәбірленуші тарап ретінде жауап бердік. Осы қылмыстық іс бітсе, сот жалғасады, — деді адвокат Нұрпейісов.

Айта кетейік, 26 ақпанда қамаудағы Думан Мұхаммедкәрімнің азапталғаны туралы шағымына байланысты прокуратура тексеріс бастаған еді.

Фото: ашық дереккөз