«Өзін-өзі тану» пәні мектеп бағдарламасынан алынады

Қазақстанның тұңғыш президенті Нұрсұлтан Назарбаеатың жұбайы Сара Назарбаева дайындаған Өзін-өзі тану пәні мектеп бағдарламасынан алынады.

Өзін-өзі тану пәні 2010 жылдан бастап барлық мектептерде бірінші сыныптан он бірінші сыныпқа дейін енгізілді.

Енді қазақстандық оқушылар Өзін-өзі тану сабағына өз қалауы бойынша қатыса алады. Аталған пән қосымша сабақ ретінде оқытылатын болады.

Оқу-ағарту министрі Асхат Аймағамбетов бұйрығының жобасы НҚА порталында жарияланды. Қоғамдық талқылау 5 қазанға дейін жалғасады.