«Зорлық белгілері бар»: «АрселорМиттал Теміртау» заңгері қайтыс болды

«АрселорМиттал Теміртау» заңгерінің денесі пәтерден өлі күйінде табылды. Төтенше жағдайлар департаменті өрттің шығу себебін анықтап жатыр. Компанияның баспасөз қызметі ақпаратты растады және марқұмның отбасына көңіл айтты, деп хабарлайды Exclusive.kz.

– Бес қабатты тұрғын үйдің бесінші қабатындағы пәтердің жалпы аумағында жиһаздар мен тұрмыстық заттарды өртенген. Өрт орнынан 1969 жылы туған әйелдің мәйіті табылды. Төтенше жағдайлар департаменті подъездегі пәтерлерден 9 адамды эвакуациялады. Өрт 13:25-те оқшауланып, 13.31-де толық сөндірілді. Оқиғаның мән-жайы мен өрттің шығу себебі анықталып жатыр, – делінген хабарламада.

Облыстық полиция департаментінің өкілдері оқиғаның мән-жайын анықтау бойынша әрекет жасалып жатқанын атап өтті.

– Марқұм әйелдің денесінде зорлық белгілері болды. Қазіргі уақытта кінәлі адамды және болған оқиғаның мән-жайын анықтау бойынша жедел-іздестіру іс-шаралары жүргізіліп жатыр. Қажет сараптамалар тағайындалды, – деп жазылған хабарламада.

Фото: ашық дереккөз